銅鑼灣Steak bar

好耐沒有同朋友外出用餐，今次我地去左銅鑼灣登龍街的 Steak bar享用午餐。

今次點左兩份餐一起享用，首先點了吉列炸牛扒，外層好似吉列豬扒咁，外熟內生，放上塗了牛油的小鐵板燒，隨個人喜好燒熟的程度，我自己喜歡燒至約8成熟，食落外脆內嫩，好香口，送飯一流。

另外有幸點了限量澳洲黑毛安格斯西冷，我地揀了5成熟，大大塊又厚身，賣相已經好吸引， 用刀切落去已經知道唔會韌，入囗非常美味，5成熟岩岩好，牛味濃，肉質幼嫩，可點上日本蒜鹽或燒汁，兩種也令西冷肉質再特出。

定食附沙律、凍麻醬豆腐及味素飯，味美可口，尢其味素飯，令我食完一口，想快些再食下一口。

另外堂食限定任食薯條，及二人同行第二位可半價以吉列炸牛扒，非常優惠。